Hvað gerði forsetinn !

-Jú, kallaði til formenn stærstu flokkana til þess að meta hug manna með hliðsjón af nýju landslagi eftir kosningarnar og hann metur það svo að Sigmundur ætti að fá fyrstur manna umboð og tækifæri til að sameina flokka og málefni með hag þjóðarinnar í huga, og ef það væri svona sjálfgefið að Framsókn og Sjálfstæðismenn ættu að fara í eina sæng saman hefði það verið afráðið strax daginn eftir. Bjarni sýnir ákveðinn dómgreindarbrest og hagar sér eins og "stóri  bróðir " sem vill hafa vit fyrir þeim yngri í stað þess að bíða rólegur eftir því að Sigmundur stokki sín spil, ræði við menn og meti hvar styrkur heildarinnar liggur.

Ef Sjálfstæðisflokkurinn fer á límingunum við það það eitt að Framsóknarflokkurinn sé að meta stöðuna og kemur fram með hroka og yfirlýsingar um að Framsókn sé af gömlum vana opinn í báða enda ( hvernig getur miðjuflokkur verið öðruvísi ) segir það bara eitt að kannski ættu þeir að hvíla sig enn eitt kjörtímabilið því lítið virðast þeir ætla að breytast til betrunar, það er ekki nóg að tala um að bæta og vanda vinnubrögð stjórnmálamanna það þarf líka að sýna það í verki. Það eru mörg erfið mál framundan hjá næstu stjórn og það er einsýnt að vanda þarf til verka og fá öll sjónarmið upp á borðið og ef ég stæði í sporum Sigmundar og hugnaðist að fara í samstarf við Sjálfstæðismenn, þá myndi ég að sjálfsögðu gera eins, viða að mér tilboðum annara til þess að fá ákveðna yfirsýn áður en ég settist niður með Bjarna annað væri óeðlilegt.      

Framsókn ekki með „einkaleyfi“

Athugasemdir

[Haraldur Haraldsson, 1.5.2013 kl. 13:59]

Gæti verið sammála þessu með ákafa míns Formans,auðvitað þarf að skoða landið hjá þessum sosílistum en vitum við það ekki öll eftir veru þeirra í stjórn í 4 ár og + svo og kosningabaráttuni,en af fengini reynslu sé eg ekki þessa samvinnu allra flokka,þetta er bara prump og ekkert annað,en lengi skal mannin reyna Sigmundur kom hinni heynu vinstri sjórn á koppinn og að ættla að gera það aftur ,er ekki til þessa sem við ættluðum að gerðist,og ekki til sátta,als ekki,en við skoðum framhaldið Friðrik og dæmum svo,kveðja